Os nosos debuxos cobran vida.

Hoxe incorporamos unha nova ferramenta para empregar en clase, unha tableta android. Pouco a pouco iremos experimentando con apps que nos axuden a seguir aprendendo. A app que descubrimos hoxe foi Colarmix, unha aplicación que permite crear debuxos tridimensionais a partir de debuxos en papel que nos coloreamos, o resultado foi moi chulo, motívanos moito esta nova forma de colorear. Estamos desexando seguir empregando esta app.

Realidad aumentada - Movie Maker

Eu quero viaxar a...

Na segunda entrega do noso proxecto "Falando nas nubes" centrámonos en contar a que sitios gustaríanos viaxar ou que son especiais para nós. Nesta ocasións xa estamos un pouco máis soltos e falamos máis, coma sigamos nesta liña, xa non vai haber quen nos faga calar!! Aquí temos o noso segundo vídeo.

Aniversario de André Avendaño.

Hoxe celebramos o Aniversario de André Avendaño, que xa ten 6 anos!! Fixemos unha gran festa; comemos un biscoito con azucre boísimo, bailamos varias cancións que escolleu André, en resumen... Pasámolo en grande!!!

Aniversario André - Movie Maker

Falando nas nubes!!

Nesta terceira avaliación empezamos unha nova actividade chamada: Falando nas nubes. Empregaremos distintas ferramentas que atopamos na nube (youtube, hangout, google+...) para transmitir o que queremos contar, e que nos escoiten en todo o mundo. Nesta primeira entrega falamos do que queremos ser de cando sexamos maiores. Para ser a primeira vez que nos colocamos diante da cámara fixémolo xenial.

Na seguinte entrega falaremos dos lugares do mundo que nos gustaría visitar, e por suposto, aceptamos propestas para as seguintes entregas. Comentade as vosas ideas!!

Comezamos co fonema g.

Despois de descansar moito nas vacacións voltamos con forzas para empezar a traballar un fonema novo: o fonema g. É pouco difícil porque ten distintos sons segundo a vogal que acompañe. Para comezar, imos ver como soa cando vai con A,O ou U. Aquí temos un LIM para practicar.

A nosa clase recicla.

Como xa vimos no entroido, este ano estamos a traballar a reciclaxe. Hoxe vimos como se separan o lixo para poder reciclalo, e preparamos a nosa aula para poder separar o lixo que día a día temos na clase.

RECICLANDO - Video Maker

Para seguir traballando e aprendendo sobre a reciclaxe aquí temos unha actividade para seguir practicando.

Proxecto do corpo humano.

Despois de un par de meses traballando o corpo xa podemos dar por rematado o proxecto. Aprendemos un montón de cousas a través de todo o material que trouxemos, explicando cada un o que sabiamos de cada un e completando un pouco máis coa información que nos daba o profe.

Proxecto do corpo humano - Video Maker

En canto a todo o que ten que ver co coidado do corpo, hixiene, descanso e alimentación, tivemos a sorte de recibir a visita dunha enfermeira, Pili a mamá de Gael, que nos explicou un montón de cousas interesantes e incluso ensinounos un par de cancións moi divertidas.

Obradoiro hábitos saudables - Video Maker

Ademáis de todo isto fixemos unha saída a un supermercado local para ver os distintos tipos de alimentos que forman a pirámide alimenticia.

Visita ao gadis - Video Maker