Proxecto do corpo humano.

Despois de un par de meses traballando o corpo xa podemos dar por rematado o proxecto. Aprendemos un montón de cousas a través de todo o material que trouxemos, explicando cada un o que sabiamos de cada un e completando un pouco máis coa información que nos daba o profe.

Proxecto do corpo humano - Video Maker

En canto a todo o que ten que ver co coidado do corpo, hixiene, descanso e alimentación, tivemos a sorte de recibir a visita dunha enfermeira, Pili a mamá de Gael, que nos explicou un montón de cousas interesantes e incluso ensinounos un par de cancións moi divertidas.

Obradoiro hábitos saudables - Video Maker

Ademáis de todo isto fixemos unha saída a un supermercado local para ver os distintos tipos de alimentos que forman a pirámide alimenticia.

Visita ao gadis - Video Maker

A alimentación saudable.

Xa estamos acabando o noso proxecto do corpo humano, esta última semana estivemos aprendendo sobre a pirámide dos alimentos e como levar a cabo unha dieta saudable. Aquí temos unha actividade para seguir traballando.

As partes do corpo e da cara.

Voltamos do entroido con forzas despois dos días libres, e con moitas ganas de seguir aprendendo sobre o corpo humano a través do noso proxecto. Nesta actividade coñeceremos como se chaman as partes do corpo e da cara.

Continuamos coñecendo o corpo humano. Os órganos internos.

Pasamos a coñecer os órganos máis importantes que temos dentro do corpo. Aquí temos unha actividade multimedia e un vídeo para seguir traballando o corpo humano.

                                 

Visitounos un veterinario!!

Xa levamos moitos días traballando o corpo humano, por iso cando no conto de Bimba que limos a semana pasada vimos que lle facían unha radiografía, nos demos de conta que Bimba tiña osos coma nós. Para coñecer máis sobro o corpo da nosa mascota e as similitudes co noso, invitamos á nosa clase a Víctor, o papá de Alexander, que é veterinario de urxencias. 

Contounos un montón de cousas interesantes sobre os cans e gatos, ensinounos un montón de radiografías onde puidemos ver os ósos que tamén temos no noso corpo e ensinounos un aparello cun nome moi raro, estetoscopio o fonendoscopio, que serve para escoitar o ruído que fan os nosos órganos vitais

Visita veterinario - presentacion imagenes

Na mochila de Bimba mandamos dende hoxe o conto da radiografía de Bimba, para que o día que toca levar a casa, a parte de ollar o seu diario de viaxe, poidamos practicar a lectura lendo este bonito conto.

Os músculos do noso corpo humano.

Seguimos avanzando no coñecemento do corpo humano. Despois de aprender o que son ósos, pasamos a estudar o que está enriba deles, os músculos. Aquí temos una actividade para coñecer como son, como se chaman e que debemos facer para ter uns músculos sans e fortes.

Aquí temos tamén o vídeo dos músculos que vimos na clase onde aprendimos un montón sobre os músculos e a importancia de facer exercicio no noso día a día.

O corpo humano: Os ósos.

Empezamos a nosa viaxe polo corpo humano vendo este vídeo para saber que son os ósos e para que serven.

 

Aquí temos unha actividade para seguir traballando sobre os ósos e o esqueleto.

Comezamos o proxecto do corpo!!

Como xa sabedes, imos a realizar un proxecto acerca do corpo humano. Xa temos moitas cousas, pero ao longo do proxecto podedes mandarnos o que vos pareza que está relacionado co proxecto (unha lámina dunha obra de arte onde sae unha figura humana, unha revista con corpos e persoas de distintas razas, unha revista de musculación, o que se vos ocurra!!...) Calquera cousa que teñades na casa pode valer para aprender acerca do noso corpo.