Sesión de contacontos.

Hoxe recibimos a visita dun contacontos moi divertido: Iago López. Veunos presentar "Contos para levar no peto", aínda que o libro que trouxo era xigantesco!! O seu protagonista era Martiño, e como a nós, gustáballe moito ler e ir ao campo, pasamos un rato moi agradable.

O fonema R.

Seguimos avanzando fonemas e nesta ocasión imos aprender un fonema difícil, o fonema R. Por medio das seguintes actividades aprenderemos como recoñecer cando ten un son forte e un son suave.

Nivel 1.

8 de Marzo. Día da Muller traballadora

O sábado 8 de Marzo celébrase o día da muller trabajadora. Como xa vimos co caso de Malala, as mulleres nalgúns países non poden conducir, nin andar soas pola rúa, nin poden traballar. Non fai moitos anos iso pasaba tamén aquí, onde vivimos nós, pero grazas ao esforzo de moitas mulleres, iso cambiou, podendo así traballar fóra da casa e decidir o que querían facer coas súas vidas.

Con motivo deste día tan especial, cada un fixo un debuxo retratando a unha muller que queren e admiran. Aquí está o resultado.

Día da muller traballadora - diapositivas

As partes do corpo e da cara.

Voltamos do entroido con forzas despois dos días libres, e con moitas ganas de seguir aprendendo sobre o corpo humano a través do noso proxecto. Nesta actividade coñeceremos como se chaman as partes do corpo e da cara.

A festa do entroido.

Durante esta semana de entroido estivemos seguindo as ordes do meco. Mandounos levar unhas gafas, vestir de nenos ou nenas, de rapeiros ou de mimos. Aquí tedes as fotos do guapos que estabamos.

Ordes do meco - diapositivas

Hoxe foi o día da festa, e o pasamos en grande. Primeiro fixemos unha merendola na clase cun montón de orellas e filloas que estaban moi ricas. Despois preparamos os nosos disfraces, para despois desfilar polo patio do cole e por último, escoitamos o xuizo do meco, o cal ao final tivo que arder.

Festa entroido - diapositivas

E chegaron os Merdeiros á nosa clase.

Fai dous días vimos un vídeo sobre os Merdeiros, unha figura tradicional do entroido galego de Vigo que inventaron os mariñeiros para burlarse dos campesiños que viñan a cidade a vaciar os pozos negros para utilizalo como esterco para abonar ós seus campos. Os Merdeiros se dedican a ir pola zona vella de Vigo facendo falcatruadas ós demáis.Como Gael coñecía a figura dos Merdeiros explicounos cousas que nós non sabiamos.

 Por iso nós hoxe fixemos unha careta de Merdeiro e fomos asustando e facendo bromas polo colexio adiante. Pasámolo xenial!!

Merdeiros - diapositivas

Se queredes coñecer máis sobre os Merdeiros non vos perdades este vídeo, cortesía de Pilar mamá de Gael.

                 
          OS MERDEIROS, A RECUPERAÇOM from OS MERDEIROS, A RECUPERAÇOM on Vimeo.

Repasamos os fonemas h,b,c, q.

Esta semana de entroido aproveitamos para repasar os últimos catro fonemas que vimos nas pasadas semanas. Imos empezando a ler pouco a pouco.