Esta semana estivemos traballando a letra H. Resultounos un pouco complicada porque como non ten son, a veces a esquecemos. Aquí temos unha actividade para seguir practicándoa.
Día do xoguete.
Hoxe celebramos un día moi especial, que dende o ano pasado estase a converter nunha tradición, o día do xoguete. Puidemos ensinar un dos nosos xoguetes favoritos, e o que é máis importante, puidemos compartilos cos nosos compañeiros e compañeiras.
Xogos de inxenio 2.
Como aínda seguimos de vacacións e seguro que tendes un montón de tempo libre, aquí vos deixo a segunda entrega dos xogos de inxenio feitos coas personaxes elixidas por nós na clase, para poñer a traballar un pouquiño a nosa testa.
Feliz 2014
Hoxe é un día moi especial, xa que outro ano acaba e un novo empeza, cheo de ilusións, proxectos, desexos e 365 días para poder cumplilos todos. Desexo que teñades a entrada neste ano novo que comeza máis feliz e positiva posible.
Panxoliñas por aula e merendola!!
Hoxe foi un día moi especial, para celebrar que empezan as vacacións do nadal, todo o cole foi polas clases presentando as panxoliñas que estiveron preparando durante este último mes, e nós non iamos ser menos. Fomos as clases de 3 e 4 anos A, e 1º e 2º A de primaria. Tamén pasaron pola nosa clase todos os grupos A do cole.
Despois celebramos unha gran merendola no patio con todos os compañeiros de infantil, e pasámolo estupendamente!!
BO NADAL E FELICES FESTAS!!
Seguimos celebrando o Nadal!!
Estos días son un no parar de facer cousas divertidas!! Onte recibimos a visita dos reis magos! Trouxéronos un montón de doces, e escoitaron todo o que queremos que nos traian, porque todos fomos moi bos.
Hoxe foi un día moi especial, foi o día do festival, e actuamos diante de todas as clase A do cole, e non o fixemos nada mal, o importante, o pasamos moi ben!!
Por último, nesta xornada tan axetreada aínda tivemos tempo para facer o intercambio de tarxeta cos nosos compañeiros de 5 anos B.
Xa está aquí o Nadal!!
Outra vez chegou decembro e xa estamos no Nadal. No cole non paramos de facer cousas divertidas relacionadas con esta festa.
Primeiro fomos decorar as árbores do xardín do cole cun montón de adornos que fixemos con material de refugallo coas nosas familias.
Tamén fixemos unhas fotos moi graciosas con gorros de papa noel e cornos de renos para celebrar que o Nadal xa está moi preto.
Non podía faltar nos preparativos da festa do nadal facer unha carta para pedir aos reis ou papa noel un agasallo. Incluso a levamos ata correos para asegurarnos de que chegue ao seu destiño.
carta aos reis - diapositivas
Aínda nos quedan moitas cousas por facer neste Nadal, podédelo seguir todo no noso blogue.
